Nu 29. novembra da 7. decembra Reigā i Rēzeknis nūvodā byus literaturys festivala “Prozas lasījumi” nūtikšonys. Festivala daļa jau vairuokus godus ir ari konkurss “Latgolys prozys skaitejumi”. Catūrtdiņ, 4. decembrī, Lūznovys muižā jaunuokuos latgalīšu literaturys interesenti aicynuoti iz konkursa nūslāguma pasuokumu, kurā byus vareiba dzierdēt ituo gods lobuokūs dorbu skaitejumus.
Konkurss “Latgolys prozys skaitejumi” nūteik sastū reizi, juo reikuotuojs ir latgalīšu kulturys kusteiba “Volūda”, nūtikšonu eistynojūt kai daļu nu literaruos jaunradis latgaliski veicynuošonys programys. Ituo gods konkursam ar moto “Kai tev dzelys?”, kas sasasauc ar vysa festivala temu, dorbus kai latvīšu literarajā, tai latgalīšu rokstu volūdā īsnēdze 15 autoru. Īsyuteitūs dorbus viertēja žureja, kurā beja konkursa “Latgolys prozys skaitejumi” pārnejuo gods uzvarātuoja, žurnaliste i gruomotu blogere Inga Kaļva-Minina, tulkuotuoja Māra Poļakova, tulkuotuojs i gruomotu izdeviejs Snorre Karkonens-Svensons, redaktore i žurnaliste Maruta Latkovska, taipat literaturzynuotneica i literate Ilze Sperga.
Ituo gods konkursā lobuokūs dorbu autori ir kai pīredziejuši prozys latgaliski raksteituoji, tai suocieji – Annele Slišāne, Ivo Gilučs, Laura Strode, Ligija Purinaša, Lilija Limane i Valija Platace. Konkursa uzvarātuojs tiks paziņuots 4. decembrī 18 stuņdēs konkursa nūslāguma pasuokumā, kas pyrmū reizi nūtiks Rēzeknis nūvoda Lūznovys muižā, simboliski atzeimejūt veiksmeigū ituo gods sadarbeibu latgalīšu literaturys, volūdys i Latgolys pietnīceibys rezidenču programys eistynuošonā. Konkursu varēs vērtīs ari tīšraidē, kas byus daīmama latgalīšu kulturys ziņu portalā lakuga.lv i kusteibys “Volūda” profilā socialajā teiklā “Facebook” ITE!
“Latgolys prozys skaitejumu” nūslāguma pasuokumā Lūznovys muižā interesentim byus vareiba dzierdēt vairuoku finalistu dorbus. Nūtikšonu vadeis Latgolys viestnīceibys “Gors” pasuokumu producente, Latgalīšu kulturys goda bolvys “Boņuks” koordinatore Daira Lāce, bet muzykali ar skaņdorbim, kurūs pamatā ir latgalīšu autoru dzeja, kluotyn byus muziki Dana Vasiļjeva i Mārcis Lipskis. Īīšona pasuokumā byus bez moksys. Vysus lobuokūs konkursa dorbus piečuok varēs puorskaiteit portalā lakuga.lv, bet konkursa uzvarātuojs svātdiņ, 7. decembrī, 18 stuņdēs pīsadaleis literaturys festivala “Prozas lasījumi” nūslāguma pasuokumā Reigā, teatrī-klubā “Hamlets”. Vaira par festivala “Prozas lasījumi” nūtikšonom var izzynuot ITE!
Kai pīzeist konkursa žurejis lūcekle Inga Kaļva-Minina, iz vīnu vaicuojumu “Kai tev dzelys” konkursa dorbu formā sajimtys žanru ziņā atškireigys atbiļdis. “Daudzūs dorbūs jiutoma smeļdze, varbyut byutu gribiejīs vaira gaišuma i dzeivisprīcys kruosu, bet laikam taida ir tei dzeive. Tys beja lobs ceļuojums – apsavērt Latgolys rokstūšū cylvāku rodūšajā pasaulī i izzynuot, kai jim (jūs varūnim) īt,” tai Inga Kaļva-Minina. Tulkuotuoja Māra Poļakova pīzeimej, ka konkursa prozys teksti īzeimej latgalīšu literaturys ainovys konturu: nu senejiskuma da laikmeteiguo, nu sirdī dzymušys gribiešonys izstuosteit sevi – da profesionali preciza rakstnīka dorba. Žurejis lūcekle soka: “Apbreinoju volūdys daudzveideibu itūs tekstu kūpā: latgalīšu volūda jamā izplaiksnej i rūtojās cīši spūdri, kai latvīšu literarajā volūdā myusu laikūs nimoz cik cieški nasagoda redzēt; prīcynoj dzeiveigums, registru maiņa, breivuo i skaistuo dūmuošonys volūda. Otkon i otkon puorsalīcynoju, ka latgalīšu literatura “kai ēst” ir vajadzeiga vysai latvīšu literaturai.” Bet literaturzynuotneica i literate Ilze Sperga soka, ka itymā godā dominej sīvīšu proza. “Nu sirrealu sasatikšonu ar spūkim, valnu, gorim i myrušajim, a varbyut ar sovu vydyskū pasauli i juos tymsajim styurim leidz realuos dzeivis i myusu dīnu cylvāku attīceibu tāluojumam – tai varbyut var definēt ituo goda konkursa dorbus,” komeņtej Ilze Sperga. Žurejis lūcekli prīcojās puorskaiteit dorbus boguotā volūdā, kurā ir monomys i izlūkšņu sovpateibys, vystik reizē pīzeist, ka leluokajai daļai raksteituoju byutu juoceļ latgalīšu rokstu volūdys kvalitate, bet par lobuokajim dorbim skaita, ka jūs vajadzātu publicēt plotuokā mārūgā i napamest tik regionā.
Konkursu “Latgolys prozys skaitejumi 2025” organizej latgalīšu kulturys kusteiba “Volūda”, jū atbolsta literaturys festivals “Prozas lasījumi 2025” (Latvejis Rakstnīku savīneiba), Vaļsts kulturkapitala fonds, latgalīšu kulturys ziņu portals lakuga.lv, žurnals “Domuzīme”, izdevnīceiba “Zvaigzne ABC” i Rēzeknis nūvoda Lūznovys muiža.
Festivals “Prozas lasījumi” nūteik nu 1995. goda, jū organizej Latvejis Rakstnīku savīneiba. Laika gaitā “Prozas lasījumi” nu nalela pasuocīņa izauguši vairuoku dīnu prozys festivalā, kura programā ar sovu jaunuokūs dorbu voi jūs fragmentu skaitejumim pīsadola vysaidu paaudžu Latvejis i cytu vaļstu rakstnīki. Pīktū reizi sadarbeibā ar festivalu tymā byus nūtikšonys ar Latgolys kulturtelpys autorim.
Video atsavieršona iz pārnejuo gods konkursa nūslāgumu ITE!
No 29. novembra līdz 7. decembrim Rīgā un Rēzeknes novadā būs literatūras festivāla “Prozas lasījumi” pasākumi. Jau vairākus gadus festivāla daļa ir arī konkurss “Latgolys prozys skaitejumi”. Ceturtdien, 4. decembrī, Lūznavas muižā jaunākās latgaliešu literatūras interesenti aicināti uz konkursa noslēguma pasākumu, kurā būs iespēja dzirdēt šī gada labāko darbu lasījumus.
Konkurss “Latgolys prozys skaitejumi” notiek sesto reizi, tā rīkotājs ir latgaliešu kultūras kustība “Volūda”, pasākumu īstenojot kā daļu no literārās jaunrades latgaliski veicināšanas programmas. Šī gada konkursam ar moto “Kai tev dzelys?” (Kā tev iet?), kas sasaucas ar visa festivāla tēmu, darbus gan latviešu literārajā, gan latgaliešu rakstu valodā iesniedza 15 autori. Iesūtītos darbus vērtēja žurija, kurā bija konkursa “Latgolys prozys skaitejumi” pērnā gada uzvarētāja, žurnāliste un grāmatu blogere Inga Kaļva-Miņina, tulkotāja Māra Poļakova, tulkotājs un grāmatu izdevējs Snorre Karkonens-Svensons, redaktore un žurnāliste Maruta Latkovska, kā arī literatūrzinātniece un literāte Ilze Sperga.
Šī gada konkursa labāko darbu autori ir gan pieredzējuši prozas latgaliski rakstītāji, tā debitanti – Annele Slišāne, Ivo Gilučs, Laura Strode, Ligija Purinaša, Lilija Limane un Valija Platace. Konkursa uzvarētājs tiks paziņots 4. decembrī plkst. 18.00 konkursa noslēguma pasākumā, kas pirmo reizi notiks Rēzeknes novada Lūznavas muižā, simboliski atzīmējot šī gada veiksmīgo sadarbību ar muižu latgaliešu literatūras, valodas un Latgales pētniecības rezidenču programmas īstenošanā. Konkursa noslēgumu varēs vērot arī tiešraidē, kas būs pieejama latgaliešu kultūras ziņu portālā lakuga.lv un kustības “Volūda” profilā sociālajā tīklā “Facebook” ŠEIT!
“Latgolys prozys skaitejumu” noslēguma pasākumā Lūznavas muižā interesentiem būs iespēja dzirdēt vairāku finālistu darbus. Pasākumu vadīs Latgales vēstniecības “Gors” pasākumu producente, Latgaliešu kultūras gada balvas “Boņuks” koordinatore Daira Lāce, bet muzikāli ar skaņdarbiem, kuru pamatā ir latgaliešu autoru dzeja, vakaru krāsos mūziķi Dana Vasiļjeva un Mārcis Lipskis. Ieeja pasākumā ir bez maksas. Visus sešus labākos konkursa darbus pēc tam varēs lasīt portālā lakuga.lv, bet konkursa uzvarētājs svētdien, 7. septembrī, plkst. 18.00 piedalīsies literatūras festivāla “Prozas lasījumi” noslēguma pasākumā Rīgā, teātrī-klubā “Hamlets”. Plašāk par festivāla “Prozas lasījumi” pasākumiem var uzzināt ŠEIT!
Kā atzīst konkursa žūrijas locekle Inga Kaļva-Miņina, uz jautājumu “Kā tev iet?” konkursa darbu formā saņemtas žanru ziņā atšķirīgas atbildes. “Daudzos darbos jūtama smeldze, varbūt būtu gribējies vairāk gaišuma un dzīvespriecīgu krāsu, bet laikām tāda ir tā dzīve. Tas bija labs ceļojums – ieskatīties Latgales rakstošo cilvēku radošajā pasaulē un izzināt, kā viņiem (viņu varoņiem) iet,” tā Inga Kaļva-Miņina. Tulkotāja Māra Poļakova piebilst, ka konkursa prozas teksti ieskicē latgaliešu literatūras ainavas kontūru: no seniskuma līdz laikmetīgajam, no sirdī dzimušām alkām izstāstīt sevi – līdz profesionāli precīzam rakstnieka/-ces darbam. Žūrijas locekle saka: “Apbrīnoju valodas daudzveidību šo tekstu kopā: latgaliešu valoda tajā ņirb un rotājas tik spoži, kā latviešu literārajā valodā mūslaikos nemaz bieži negadās redzēt; priecē dzīvīgums, reģistru maiņa, brīvā, skaistā domāšana valodā. Atkal un atkal pārliecinos, ka latgaliešu literatūra “kā ēst” ir vajadzīga visai latviešu literatūrai.” Bet literatūrzinātniece un literāte Ilze Sperga atzīmē, ka šī gada konkursā dominē sieviešu proza. “No sirreāliem satikšanos brīžiem ar spokiem, velnu, gariem un mirušajiem, bet varbūt savu iekšējo pasauli un tās tumšajiem stūrīšiem līdz reālās dzīves un mūsdienu cilvēku attiecību tēlojumam – tā varbūt var definēt šī gada konkursa darbus,” komentē Ilze Sperga. Žūrijas locekļi priecājas lasīt darbus bagātā valodā, kurā ir manāmas arī izlokšņu īpatnības, taču reizē atzīst, ka lielākajai daļai rakstītāju būtu jāpiestrādā pie latgaliešu rakstu valodas kvalitātes, bet par labākajiem darbiem uzskata, ka tos vajadzētu publicēt plašākā mērogā, lai nepaliek tikai reģionā.
Konkursu “Latgolys prozys skaitejumi 2025” organizē latgaliešu kultūras kustība “Volūda”, to atbalsta literatūras festivāls “Prozas lasījumi 2025” (Latvijas Rakstnieku savienība), Valsts kultūrkapitāla fonds, latgaliešu kultūras ziņu portāls lakuga.lv, žurnāls “Domuzīme”, apgāds “Zvaigzne ABC” un Rēzeknes novada Lūznavas muiža.
Festivāls “Prozas lasījumi” notiek jau kopš 1995. gada, tā rīkotājs ir Latvijas Rakstnieku savienība. Laika gaitā “Prozas lasījumi” no neliela pasākuma izauguši līdz vairāku dienu prozas festivālam, kura programmā ar savu jaunāko darbu vai to fragmentu lasījumiem piedalās dažādu paaudžu Latvijas un citu valstu rakstnieki. Piekto reizi sadarbībā ar festivālu tajā būs notikumi, kuros piedalās arī Latgales kultūrtelpai piederīgi autori.
Pērnā gada konkursa noslēguma video ieraksts ŠEIT!
Sagatavoja: Latgaliešu kultūras kustība “Volūda”
